• E mërkurë / Dec-19 14:14
  • Kontakt

Veseli pret nga Bashkimi Evropian që në dhjetor t’i heqin vizat për Kosovën

Kryetari i Kuvendit të Kosovës, Kadri Veseli, pret që BE-ja të marrë një vendim i cili nuk e turpëron Kosovën.

Kryetari i Kuvendit të Kosovës, Kadri Veseli, ka thënë se pret nga Bashkimi Evropian, që vendimmarrja për Kosovën në lidhje me liberalizimin e vizave të jetë pozitive.

Kreu i Kuvendit po ashtu ka bërë të ditur se duke u bazuar në këtë vendimmarrje pret që kosovarët të udhëtojnë pa viza drejt Evropës në dhjetor të këtij viti.

“Kosova e meriton, Kosova beson në Bashkimin Evropian, Kosova pret vendimmarrjen e cila nuk e turpëron Bashkimin Evropian dhe ajo është që të mbaj fjalën dhe të ketë liberalizim të vizave në fund të këtij viti. Po flas gjithmonë në dhjetorin e këtij viti”, ka deklaruar Veseli.

Sipas tij, Kosova i ka përmbushur të gjitha kriteret e kërkuara nga Bashkimi Evropian për liberalizimin e vizave dhe tash është duke përmbushur edhe të gjitha obligimet të cilat i ka karshi agjendës së reformave evropiane.

Sipas tij, ka mbetur tashmë që vetëm Bashkimi Evropian të jap dritën e gjelbër për liberalizimin e vizave.

Veseli këto komente i bëri pas mbledhjes së Kryesisë së Kuvendit në të cilën u vendos që ditën e enjte të  mbahet seancë e jashtëzakonshme politikën e jashtme e kërkuar nga LDK-ja dhe Vetëvendosje.


Warning: Use of undefined constant php - assumed 'php' (this will throw an Error in a future version of PHP) in /home/genstilc/domains/rtvaldi.com/public_html/footer.php on line 48