Thaçi godet Kurtin: Si në bahçe të babës i hape kufijtë me Serbinë, ndërsa atyre të Shqipërisë u vendosë taksë

Thaçi godet Kurtin: Si në bahçe të babës i hape kufijtë me Serbinë, ndërsa atyre të Shqipërisë u vendosë taksë

Presidenti Hashim Thaçi ka kritikuar Kryeministrin Albin Kurti pasi sipas tij, ata që vijnë nga Shqipëria po maltretohen, teksa të Serbisë po vijnë si në ‘bahçe të babës’.

Përmes një shkrimi në rrjetin social Facebook, ai ka thënë se ky është absurditet, teksa tutje e ka quajtur uzurpues.

“Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.

Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar”, ka shkruar ai.

Shkrimi i plotë:

Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës. Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19. Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.

Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.

Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar.