Alfredo Martinez, gazetar i Onda Cereo, ka dhënë një koment mbi të ardhmen e Lionel Messit. 

Sipas tij, do të ishte më së miri për Messin në qoftë se ai luan në Evropë edhe disa vite (të paktën dy) përpara se të transferohet diku tjetër.

Kontrata e Messit përfundon në verën e këtij viti dhe akoma nuk ka ndonjë të re mbi rinovimin e tij. Martinez beson se mënyra më e mirë është që Messi të qëndrojë edhe 2 vite të tjera në Barcelonë dhe më pas të largohet në Miami (Amerikë).

 Megjithatë, me ardhjen e Joan Laportas si president, gjërat për argjentinasin mund të ndryshojnë.