Argjentinasi u largua nga Barcelona për në PSG në një transferim të lirë, këtë verë, megjithatë, kjo do të jetë hera e parë që ai do të përballet me Los Blancos që atëherë.

Atij gjithashtu do t’i bashkohet Sergio Ramos, një legjendë e Real Madridit.

Ramos dhe Messi tani janë bashkëlojtarë në Parc des Princes, megjithëse është e vërtetë që andaluziani ka luftuar për të mbajtur në formë deri më tani karrierën e tij në PSG.

“Qëllimi i PSG-së është Liga e Kampionëve”, tha 34-vjeçari.

“Është qëllimi i të gjithëve. Është një garë e veçantë për të gjitha skuadrat e mëdha.”

Messi tha gjithashtu se ndërsa përshtatja me jetën në Paris nuk ishte e lehtë, ai ndihet mirë në Francë tani, shkruan footballespana.

“Ishte një ndryshim shumë i madh sepse ne kemi jetuar në të njëjtin vend për një kohë të gjatë, nuk ishte e lehtë”, pranoi ai.

“Por tani jemi shumë mirë në një qytet spektakolar, duke luajtur për një nga skuadrat më të mira në botë. Jemi shumë të lumtur”, përfundoi Messi.