Bosi i ‘Gunners’ do të emërojë një lider të ri për skuadrën e tij pasi e largoi Pierre-Emerick Aubameyang nga detyrat e tij të kapitenit.

Yllit të Gabonit, Aubameyangut, i është marrë shiriti i krahut pasi u raportua në bazën e klubit dhe humbi një takim për testin Covid, pasi udhëtoi në Francë për të qenë me nënën e tij.

Odegaard, 23, nënshkroi zyrtarisht për klubin në verë pas një huazimi me Real Madridin, por tashmë duket se është në garë për të marrë lidershipin e skuadrës.

Duke folur gjatë konferencës së tij për shtyp përpara ndeshjes së Arsenalit me Leeds, Arteta u tha gazetarëve: “Ai është një lojtar shumë i ri, por tashmë ka shumë përvojë në klube të ndryshme dhe nivel ndërkombëtar.

“Jam dakord që në javët e fundit ai po i afrohet nivelit të tij më të mirë dhe kulmi për të nuk e di se ku është për shkak të talentit dhe dëshirës që ka dhe sa shumë dëshiron të përmirësohet.

“Ne kemi një lojtar të jashtëzakonshëm.

“Ai është një lider natyral nëse kërkoni një profesionist të përsosur, ai nuk do të ishte shumë larg kësaj”.

Odegaard ka përvojë kur vjen puna për të udhëhequr një skuadër, pasi së fundmi u bë kapiten i kombëtares së Norvegjisë.