• E mërkurë / Dec-19 14:15
  • Kontakt

Burrat i stresojnë gratë më shumë sesa fëmijët

Burrat i stresojnë gratë më shumë sesa fëmijët

Femrat e martuara kanë më shumë stres sesa beqaret. Ato kanë ngarkesa shumë të mëdha: punën, fëmijët, por edhe martesën.

Gratë me stres janë më të prira të përjetojnë dhimbje koke, lodhje, dhe zemërim.

Puna e një prindi është tejet stresuese, por, në mënyrë befasuese, burrat kontribuojnë në stresin e grave më shumë sesa fëmijët.

Sipas një studimi, 46% e grave thonë se fëmijët u shkaktojnë më pak stres sesa burrat dhe kjo nuk lidhet me tradhti apo abuzim nga burri.

Por, si ndikon negativisht burri te gruaja dhe si të shmangen gjërat e tilla?

Burri vepron si një fëmijë ekstra

E vërteta është se meshkujt sillen si fëmijë derisa t’i mbushin 43 vjet.

Kjo nuk shprehet vetëm në sjelljen e tyre fëmijërore ndaj çështjeve të caktuara, por edhe në bashkëveprimin që kanë me fëmijët.

Një 7-vjeçar normalisht se do të sillet si 7-vjeçar, por një 35-vjeçar duke vepruar si 7-vjeçar është më stresuese .

Shpeshherë, baballarët janë ata që argëtohen me fëmijët. Kështu, baballarët perceptohen nga fëmijët si shoku i ngushtë, si një koleg me ide argëtuese që lejon çdo gjë. Në anën tjetër, nënat janë më të brengosura me çështjet si edukimi, disiplina, shëndeti dhe zhvillimi i fëmijës.

Femrat e ndjekin rutinën ditore të fëmijëve, andaj edhe u japin instruksione dhe u ndalojnë gjëra të ndryshme.

Kjo në sytë e fëmijëve duket sikur baballarët janë “polici i mirë”, ndërsa nëna “polici i keq”.

Punët e shtëpisë janë të rënda…

Një studim ka zbuluar se një në 5 nëna që nuk marrin ndihmë mjaftueshëm nga bashkëshorti për punët e shtëpisë kanë më shumë stres.

Gratë në përgjithësi shpenzojnë më shumë kohë në punë të shtëpisë, ndërkaq burrat duke u relaksuar.

Detyrat e femrave jo vetëm se përfshijnë gatimin he pastrimin, por edhe pagesat e faturave, blerjen e gjërave ushqimore, planifikimin e buxhetit.

Këto aktivitete janë shumë të rëndësishme për të mbështetur strukturën e familjes, por bëhen shumë ngarkesë për vetëm një person.

Kështu, zgjidhja më e thjeshtë është që burri ta ndihmojë gruan me punët e shtëpisë dhe t’i ndajnë në mënyrë të barabartë përgjegjësitë që i kanë.



Warning: Use of undefined constant php - assumed 'php' (this will throw an Error in a future version of PHP) in /home/genstilc/domains/rtvaldi.com/public_html/footer.php on line 48