Kylian Mbappé është një ndër futbollistët me të ardhme të ndritur.

20-vjeçari po kërkohet me ngulm nga Real Madridi, pasi shihet si pasardhësi më i mirë i Cristiano Ronaldos dhe Lionel Messit, për të dominuar në botën e futbollit.

Por, derisa mediat vazhdojnë të spekulojnë për Madridin – Mbappe ka postuar video interesante në Instastory.

Talenti francez, që ka nisur tashmë pushimet, ka publikuar një video në Japoni duke luajtur PlayStation me një shok. Mbappe dëgjohet duke qeshur, i lumtur për fitoren me ekipin e tij, Barçën, që e mposhti 3-0 Manchester Cityn me golat e Vidal, Messi dhe Suárez.

Edhe ndeshjen e dytë, ku shoku kërkonte hakmarrje, Mbappe e fitoi 2-0 kundër Manchester City.

Ditë më parë, duke folur për të ardhmen, Mbappe tha “nuk dihet çfarë mund të ndodhë në futboll”, ku u pyet nëse mund të transferohet në MLS (Amerikë), derisa vazhdimisht s’e ka mohuar largimin nga PSG-ja.

Sipas asaj që raporton AS, Reali s’do të tentojë ta blejë Mbappen këtë verë – pasi tashmë në Madrid ka arritur një galaktik, është Eden Hazard.

20-vjeçari mund ta veshë fanellën e Los Blancos në vitin 2020.