Futbollistët e klubeve si Real Madridi, Barcelona, Milani e Ajaxi e dominojnë listën e lojtarëve me më së shumti tituj të Ligës së Kampionëve. Por, kush e kryeson këtë listë?

Real Madridi e ka fituar trofeun e Ligës së Kampionëve më shumë sesa cilido klub tjetër, plot 13 herë. Milani i ndjek madrilenët me shtatë tituj dhe Liverpooli radhitet prapa me gjashtë tituj.

Përderisa “Los Blancos” i lënë shumë prapa klubet e tjera si më të suksesshmit në skenën evropiane, cili lojtar e ka ngritur lart trofeun e kësaj gare prestigjioze evropiane më së shumti herë?

Anësori i majtë i Real Madridit, Paco Gento, për momentin e mban rekordin për lojtarin me më së shumti tituj të Ligës së Kampionëve, pasi e kishte fituar këtë trofe plot gjashtë herë gjatë karrierës 18-vjeçare në “Santiago Bernabeu”.

Sulmuesi i Cristiano Ronaldos e ndan pozitën e dytë me disa futbollistë të tjerë, me pesë trofe. Të parin e fitoi me Manchester Unitedin, ndërsa katër të tjerë i fitoi gjatë kohës së tij në Real Madrid.

Në listën e dominuar nga lojtarët e Real Madridit bëjnë pjesë edhe heronjtë e Liverpoolit nga vitet e 1980-ta, si Kenny Dalglish, Graeme Souness dhe Alan Hansen, të cilët i kanë nga tre medalje të arta.

Në këtë listë janë të përfshirë vetëm futbollistët të cilët e kanë fituar titullin e Ligës së Kampionëve më shumë sesa dy herë.