Zëvendëskryeministri nga AAK, Besnik Tahiri, po konsideron se në dialogun me Serbinë, janë “tri fusha të minuara”, në të cilët Kosova duhet të ketë shumë kujdes.

E para sipas tij është fizibiliteti mbi Ujmaninm, nga i cili proces siç thotë ai nuk duhet patur frikë, shkruan lajmi.net.

E dyta, sipas Tahirit është Asociacioni, për të cilin ai thotë se është siguruar nga Hoti që nuk do të diskutohet.

Teksa fusha e tretë e minuar sipas Tahirit është një dialog që nuk çon në marrëveshje finale, por vetëm në normalizim raportesh, e kjo sipas tij nuk guxon të ndodhë.

Postimi i plotë:

Rreth dialogut duhet të thuhet saktë se argumentet janë në anën tonë, duhet të kemi kujdes nga tri fushat e minuara: e para, si do të shkojë procesi i fizibilitetit për Ujmanin. Nuk kemi nevojë të kemi frikë. Fusha e dytë e minuar është asociacioni. Ne jemi siguruar nga kryeministri Hoti që nuk do të diskutohet, ne jemi të mbrojtur me vendimin e Gjykatës Kushtetuese sa i përket asociacionit. Problemi i tretë është ideja që të mos shkohet në marrëveshje finale, por vetëm në normalizim të raporteve. Nuk duhet të pranojmë këtë normalizim, pasi që nuk ka asnjë efekt.