Kur bëhet fjalë për çështjet e lëkurës, një nga problemet më të shpeshta janë njollat e errëta. Ka shumë gjëra që mund ta shkaktojnë këtë, nga ekspozimi në diell e deri tek gjenetika.

Dhe meqenëse nuk mund t’i ndryshojmë gjenet tona, ka disa gjëra që duhet t’i kushtojmë vëmendje në mënyrë që të kryejmë kujdesin e duhur për veten. Ndonjëherë ne përqendrohemi në trajtimin e njollave të errëta, por harrojmë t’i kushtojmë vëmendje asaj që i shkakton ato. Këtu do t’ju sqarojmë arsyet pse keni njolla të errëta dhe si t’i shmangni ato.

Dritat e brendshme

Pak njerëz e dinë këtë, por ekspozimi ndaj dritave brenda shtëpisë tuaj mund të çojë në njolla të errëta. Kjo sepse drita e dukshme ose drita fluoreshente mund të ndikojë në hiperpigmentimin e lëkurës. Kjo lloj drite është e pranishme në kompjuterë, TV, madje edhe në smartphone. Për ta parandaluar atë, përdorni krem kundër diellit çdo ditë kur filloni rutinën tuaj të kujdesit për lëkurën tuaj.

Pickimi e puçrrave tuaja

Duke parë një pikë të zezë në lëkurën tuaj ngjall një dëshirë pothuajse të parezistueshme për të filluar pickimin. Është shumë e rëndësishme që të mos e bëni për shkak të inflamacionit, i cili mund të shkaktojë që lëkura të prodhojë melaninë, duke rezultuar në njolla të errëta dhe madje edhe plagë. Për ta parandaluar atë, këshillohuni me një dermatolog për të kuptuar shkakun e puçrrave tuaja dhe si ta trajtoni më mirë.

Anashkalimi i kremit kundër diellit

Është e zakonshme që ne duhet të mbajmë krem dielli kur shkojmë në plazh. Disa prej nesh e dinë që kremi kundër diellit duhet të përdoret çdo ditë (madje edhe në ambiente të mbyllura). Por problemi është, pak njerëz e dinë që kremi kundër diellit duhet të ri-aplikohet çdo 2 orë. Duke marrë parasysh që shumica e njollave të errëta shkaktohen nga dëmtimi i diellit, gjithmonë mbani krem mbrojtës, duke filluar nga mëngjesi.

Mos heqja e trajtimeve të fytyrës gjatë natës

Nëse ndonjëherë shkoni në një takim te një dermatolog dhe ankoheni për njolla të errëta, ka shumë të ngjarë që ata të sugjerojnë përdorimin e produkteve trajtuese gjatë natës. Disa produkte, veçanërisht ato acidike, kanë potencialin për të pastruar njollat por edhe irritojnë lëkurën tuaj, duke shkaktuar njolla të errëta. Nëse acidi në trajtimin tuaj gjatë natës ka potencial të irritojë lëkurën tuaj, mos harroni ta hiqni atë duke larë fytyrën tuaj në mëngjes dhe më pas duke aplikuar kremin për diellin.

Kombinimi i limonit dhe diellit

Ka shumë ilaçe natyrore në shtëpi që përfshijnë limon si receta për pastrimin e njollave të errëta në lëkurë. Por ajo që njerëzit harrojnë është se lëngu i limonit, kur kombinohet me rrezatimin e diellit, në të vërtetë mund të shkaktojë njolla të errëta ose t’i përkeqësojë ato. Kjo quhet fitofotodermatit dhe shkaktohet nga substanca të tilla si furanokumarinat dhe psoralenët kur bien në kontakt me rrezet e diellit. Për të mos ndodhur kjo, gjithmonë lajeni mirë lëngun e limonit nga lëkura juaj.

Përdorimi i tepërt i hidrokinonit ose acidit retinoik

Ka disa produkte bukurie që përmbajnë hidrokinon dhe acid retinoik që janë për trajtimin e njollave të errëta. Problemi është se, përdorimi i tyre për një kohë të gjatë dhe në përqendrime të larta mund të përkeqësojë lëkurën tuaj në vend që ta pastrojë atë. Gjithmonë konsultohuni me një dermatolog për të kuptuar sesi t’i përdorni në mënyrë korrekte këto produkte.

Shtatzënia

Valët e hormoneve ndodhin gjatë shtatzënisë dhe janë krejtësisht të natyrshme. Këto ndryshime hormonale mund të shkaktojnë diçka të quajtur “chloasma” ose “maskë e shtatzënisë”. Për fat të mirë, këto njolla të errëta priren të zbehen sapo të mbarojë shtatzënia. Në mënyrë që të mos përkeqësohet kjo, gjithmonë mbani krem mbrojtës.