Trajneri i Real Madridit, Carlo Ancelotti ka folur në konferencë për shtyp për ndeshjen e radhës ndaj Barcelonës.

Dy gjigantët më të mëdhenj në Spanjë do përballen në kuadër të gjysmëfinales së Superkupës.

Tekniku italian ka folur para kësaj ndeshje, ku thotë se duan të kthehen në Madrid me trofeun e parë për këtë sezon.

“Arritëm mirë dhe me shpresën që të fitojmë këtë Superkupë, titullin e parë dhe duam ta kemi kur të kthehemi në shtëpi”.

Nëse humbni, a do të ishte debakël nga Barcelona?

“Çdo gjë mund të ndodh. Luajmë ndaj një kundërshtari të fortë që ka pasur probleme këtë sezon. Ne kemi qëllimin e njëjtë”.

A e ke formacionin gati, a është e qartë për ty?

“Kam disa dyshime, Carvajal është një. Kam lojtarë me energji si Rodrigo në pozitën e Asensios. Skuadra ka punuar mirë. Ndeshja do jetë plotë tension. Na pëlqejnë këto lojë”.

A do transferojë dikë nga Barcelona në skuadrën tënde?

“Përpos vetëranëve, që japin gjithmonë më të mirën, lojtarët e rinj duken që kanë të ardhme të mirë”.

A të pëlqen më shumë Barcelona me Xavin?

“E pëlqej sepse ka ide të qartë të lojës dhe ka pasur rekord të mirë që kur ka arritur. Mendoj se me idetë e tij, Barcelona do përmirësohet”.

17 pikë nga Barcelona në ligë. A korrespondon kjo distancë me temën sportive midis të dyve?

“Numrat në ligë nuk numërohen. Është gjysmëfinalja e Superkupës, do numërohet si dueli me Koeman që qëndronte”.

Sa i rëndësishëm ka qenë adaptimi i Alaba?

“Nuk e kam pyetur për ndryshimet që mendon me futbollin gjerman. Nuk u befasova nga adaptimi sepse e njoh mirë dhe e dija që do t’ia dilte mirë. Bashkëpunimi me Militaon është duke shkuar mirë”.

A është keq që shiheni si favorit në këtë “El Clasico”?

“Do shqetësohesha nesër lojtarët mendojnë që jemi favorit, por nuk e besojnë, as ne. Duhet të luajmë lojë të mirë dhe të japim gjithçka për të mposhtur Barcelonën”.

Përballja nis në ora 20:00 dhe zhvillohet nesër. Ndërkohë, ju edhe mund të merrni pjesë në lojën shpërblyese, duke komentuar në postimin tonë në Facebook