Tri komunat që aktualisht përfshin, nuk do të duhej të bashkohen pjesërisht, por të pandara. Mbi të gjitha është prezent  elementi dhe  fryma shqiptare në vazhdimësi.  Kjo krahinë është një korridor që kalon Autostrada, Hekurudha  dhe projekti shekullor, kanali ujor i lundrueshëm-rruga lundruese.

 Në këtë Rajon është mbajtur edhe Referendumi më 1 e 2 mars 1992, lufta e armatosur dhe sakrifica e UÇPMB-ës, Marrëveshja e Konçulit, këto janë elemente që nuk mund të mohohen. Presheva, Bujanoci dhe Medvegja, për bashkim me Kosovën vetëm  do të duhej zbatohet vullneti i shprehur lirshëm i  kësaj  popullate që përbëjnë shumicën.        

Presheva, Bujanoci janë dy komuna  që pëmes tyre kalon Autostrada e Hekurudha si lidhje tokësore që lidhin Beogradin e Athinën. Mos të harrojmë që ka të hartuar përmes  Bujanocit  e Preshevës edhe rruga ujore nga Lumi  Danub drejtë Lumit  Aksios dhe portit të Selanikut në Greqi. 

Projekti shekullor për  ndërtimin e kësaj rruge lundruese që daton nga  7 korriku i vitit të largët 1909. Kjo do ta lidhte Evropën qëndrore dhe veriore në Perëndim, deri sa në Lindje me Detin e Zi dhe në Jug me Kanalin e Suezit.  Përmes dy komunave tona do të bëhet lidhja tokësore e dy baseneve shumë të rëndësishëm, asaj të Moravës dhe Vardarit. 

 Pra, Komunat e kësaj Krahine kanë rëndësi, posedojnë potencial dhe janë zona kyçe e vendndarjes dhe vendbashkimit të dy Lumenjve potencialisht të lundrueshëm, lidhja kyçe e transportit ballkanik në drejtimin gjeografikë Jug-Veri.  

Në kohën kur bisedimet në mes të Kosovës dhe Serbisë mund të  hapet tema mbi bashkimin e Medvegjës, Bujanocit dhe Preshevës me Kosovën, kjo do të duhej të shtrohet  si respektim i Referendumi të 1 e 2 mars 1992 dhe luftës së armatosur dhe sakrifica e UÇPMB-ës. Se sa do të jemi afër këtij realitetit, varet përveç tjerash edhe si ndërtohet qëndrimi i palës Kosovare.    

Shkruan: Mr.Sc.Refik HASANI

16.09.2018