Ajo ka qëndruar në Sydney, pasi ka qenë e ftuar për të performuar në atë që njihet si “Mardi Gras”, parada e komunitetit LGBTI në Australi.

Dua ndau me ndjekësit e saj në rrjetet sociale disa fotografi nga ngjarja, ku shihet se është mirëpritur mjaft mirë nga ky komunitet.

E veshur në një kostum të ngushë me vija të zeza dhe të verdha, këngëtarja me prejardhje shqiptare ka theksuar linjat e saj trupore.

“Parada Mardi Gras”, çfarë nderi të jesh sot këtu, asgjë më shumë se magjike – shihemi sonte në shfaqje”, shkroi Lipa në mbishkrimin e këtyre fotografive.

Dua ka qenë gjithnjë një mbështetëse e komunitetit LGBTI dhe ajo madje kishte dedikuar një status të veçantë edhe për Prishtinën, kur organizoi paradën e parë të këtij komuniteti në vitin 2017.

Flamurin shumëngjyrësh, këngëtarja e njohur ndërkombëtarisht e kishte shfaqur për herë të parë në klipin e saj “Blow your mind”.