Real Madrid ka marrë një lajm fantastik para ndeshjes ndaj Atletico Madridit.

Karim Benzema kishte munguar nga lëndimi ku kishte humbur disa ndeshje, transmeton lajmi.net.

Reali kishte nëntë lojtarë të lënduar dhe sigurisht rikthimi i francezit para derbit madrilien do të jetë një shtysë e madhe për “Los Blancos”.

Benzema ka qenë në formë optimale për Realin, ai ka shënuar 17 gola këtë sezon dhe në dy sezonet e fundit, që nga shkuarja e Ronaldos në Juventus, ai ka shënuar 57 gola.

Sipas “Marca”, Ramos, Hazard, Carvajal dhe Mariano mbesin të lënduar dhe janë jashtë ndeshjes ndaj liderëve të La Ligas.