Rita Ora për momentin po qëndron në Australi.

Këngëtarja Rita Ora ka zbuluar se ajo ‘kurrë’ nuk dëshiron të largohet nga Australia, shkruan Daily Mail.

Ylli britanik i muzikës pop detajoi dëshirën e saj për të qëndruar në vend si ‘është kaq e bukur’ ndërsa ishte në Nova’s Red Room në Sidnei, raportoi The Daily Telegraph.

30-vjeçarja, e cila mbërriti në Australi në Shkurt, tha se ajo ishte gjithashtu e impresionuar nga kënaqësia e Australianëve me njerëzit që ishin ‘kaq të mirë dhe miqësorë’.

“Unë thjesht nuk dua të largohem, nuk dua kurrë të largohem”, tha ajo ndërsa u intervistua pak para performancës së saj në ‘Nova’s Red Room’.

“Është kaq e bukur këtu për kaq shumë arsye – sa herë që vij këtu ka qenë udhëtim në shpejtësi, kështu që është bukur të jesh në gjendje të ulesh këtu dhe të shijosh kulturën dhe njerëzit dhe të gjithë janë kaq të mirë dhe miqësorë”.

Duke folur për vitin e saj të parë të saj si anëtare e jurisë në “The Voice Australia”, Rita e etiketoi përvojën si ‘argëtuese’ dhe plot ‘mahnitje’.

“Është argëtuese, ka kaq shumë mahnitje dhe befasi të çmendura dhe trajnerët e tjerë janë të shkëlqyeshëm, por unë ndjehem sikur jam trajnerja më e mirë … por ata të gjithë do ta thonë këtë për veten e tyre”, tha ajo.

Rita u ngjit në skenën e ‘Nova’s Red Room’ të mërkurën, për të performuar hitin e saj më të fundit.