Është pikërisht kënga me reperin Skivi ajo e cila është paralajmëruar kohë më parë dhe që tani duket se dyshja e panë të rrugës ta publikojnë. Kënga mban titullin “Bisha me dy koka” dhe pritet të lansohet shumë shpejt, pasi reperët nuk kanë dhënë një datë konkrete.

Lajmi për lansimin e këngës së re nga Getoar Selimi dhe Skivi ka përmbyllur gjithë thashethemet që janë bërë në lidhje me përçarjen e anëtarëve të grupit “Babastars”, krejt kjo pas një bisede private që publikoi Albert Krasniqi në rrjete sociale.

Kujtojmë që Skivi dhe Geti janë në mesin e artistëve më të kërkuar, madje ky i fundit me projektin e fundit “Birthday” ka marrë afro 2 milionë klikime në vetëm pak ditë nga publikimi i saj.