Fëmijëve parashkollorë nuk duhet t’u jepen pije të ngarkuara me sheqer ose ëmbëlsues artificial, thonë ekspertët.

Fëmijët më të vegjël, zakonisht ata nën moshën pesëvjeçare, janë këshilluar që të mos konsumojnë pije me sheqer.

Së fundmi, ekspertët kanë thënë se kufizimi i marrjes së pijeve të ëmbla në fëmijërinë e hershme do të thotë që ata të mësohen të pinë pije pa sheqer. Por për fëmijët më të mëdhenj, ëmbëltuesit “mund të ndihmojnë në reduktimin e marrjes së sheqerit”, thanë ekspertët.

Komiteti Këshillimor Shkencor për Ushqyerjen (SACN) tha gjithashtu se fëmijëve më të vegjël duhet t’u jepet “ushqim i pa ëmbëlsuar.

Në vend të sheqerit përdoren ëmbëlsues me pak kalori ose pa kalori për të ëmbëlsuar disa ushqime dhe pije. Këto substanca gjenden në produkte të tilla si pijet, ëmbëlsirat dhe ushqimet e gatshme.

Provat shkencore kanë lidhur konsumin e sheqerit me një sërë kushtesh shëndetësore, duke përfshirë obezitetin dhe diabetin e tipit 2.