Njëzet punonjës janë lënduar në aksidentin që ndodhi sot pasdite rreth orës 13:20 në dalje të fshatit të Velesit, Mamutçevë, në të cilin u përplasën një kamion dhe një autobus i cili po transportonte punonjës nga Velesi.

Siç informoi për MIA-n Vesna Lazareska nga Spitali i përgjithshëm Veles, rreth një orë pas aksidentit me automjetin e ndihmës së parë mjekësore nga Velesi në spital urgjentisht janë sjellë 20 punëtorë të lënduar.

"Të gjithë janë kontrolluar dhe u është dhënë ndihmë mjekësore nga ekipi i Spitalit të përgjithshëm Veles, i kryesuar nga kirurgu dr. Filip Todorovski. Prej tyre, te tetë persona janë konfirmuar lëndime më të lehta trupore dhe të njëjtët janë hospotalizuar, ndërsa të tjerët, pas ndihmës së dhënë mjekësore në ambulancën e spitalit, janë lëshuar në mjekim shtëpiak", informoi Lazareska.

Ekipi i SPB Veles, është në terren dhe po bën inspektim për konfirmimin e arsyes për aksidentin.