Si mund të rrisin prindërit fëmijë të fortë mendërisht

“Kur kam publikuar librin e parë: 13 Things Mentally Strong People Don’t Do, shumica e lexuesve më kanë bërë pyetjen e njëjtë:

“Kur kam publikuar librin e parë: 13 Things Mentally Strong People Don’t Do, shumica e lexuesve më kanë bërë pyetjen e njëjtë: Si t’i mësojë fëmijët të rriten duke u bërë të fortë mendërisht?”.

Autorja tregon se shumë prindër janë të përkushtuar t’u ndihmojnë fëmijëve të ndërtojnë ‘muskuj mendor’. Si psikoterapiste, ajo ka parë shumë të rritur duke u ballafaquar me vite të tëra vuajtje për shkak se u kanë munguar aftësitë bazike të cilat ju kanë nevojitur për tu ballafaquar me mundimet, dështimet dhe refuzimet, transmeton Telegrafi.

Kështu, ajo u emociona ta shkruante librin: 13 Things Mentally Strong Parents Don’t Do si udhëzues për t’u ndihmuar prindërve t’i braktisin shprehitë që po ua dëmtojnë forcën mendore fëmijëve.

Këto janë katër rregullat e saja të arta për të rritur fëmijë të fortë mendërisht:

Kujdesin për mendjen bëjeni prioritet familjar
Shumica e prindërve flasin me fëmijët për rëndësinë e të kujdesuri për trupin. I mësojnë si t’i pastrojnë dhëmbët, si të ushqehen shëndetshëm, e madje edhe i nxisin të bëjnë ushtrime fizike. Por, shumë pak prindër flasin për rëndësinë e kujdesit për mendjen. Prandaj bëjeni prioritet familjar të ndërtoni muskuj mendor – performoni ushtrime të forcës mendore si familje dhe flisni për përfitimet që i sjell fuqia mendore.

Flisni për ndjenjat
Një studim ka treguar se 60% e studentëve të universitetit kanë thënë se kanë qenë të përgatitur akademikisht për universitet, por nuk kanë qenë të përgatitur emocionalisht. Shumica e këtyre të rinjve kanë thënë se kanë pasur dëshirë që prindërit e tyre të kishin investuar më shumë kohë duke i mësuar ata si të ballafaqohen me ndjenjat e këqija si zhgënjimi, ankthi dhe vetmia.

Prandaj është e rëndësishme që vazhdimisht të flisni për ndjenjat që i keni.

Mësojeni fëmijën si të mendojë në mënyrë realiste
Kur fëmija të thotë: “Asnjëherë nuk do ta kuptoj matematikën”, është lehtë t’i thuhet “Oh zemër, normalisht se do ta mësosh”. Por ofrimi i fjalëve të tilla të sigurta pa e mësuar fëmijën si ta sigurojë veten nuk është edhe aq ndihmues.

Kur fëmija të shprehë ndjenja të vetë-dyshimit, e fajëson veten tërë kohën, bën parashikime katastrofike ose ka mendime të ekzagjeruara negative, atëherë duhet ta mësoni si të mendojë ndryshe.

Mësojeni atë s’i ti njeh mendimet aspak ndihmëse dhe t’i riformuloj në mënyrë shumë më realiste.

Shpjegojani se ndonjëherë këto mendime nuk janë të vërteta dhe se është e rëndësishme t’ia dëshmoni trurit të kundërtën.

Angazhohuni vazhdimisht në zgjidhje të problemeve
Mund të jetë instinkte t’i zgjidhni problemet e fëmijëve për ta. Por ata kanë nevojë për mundësi të ndryshme që të praktikojnë aftësinë e zgjidhjes së problemeve. Në vend se gjithmonë ta gjeni zgjidhjen për fëmijën, për çfarëdo problemi, inkurajojeni që ai vet të ballafaqohet me problemin në mënyrë që ta zhvillojë vet zgjidhjen. Lëreni të bëjë gabime ndonjëherë – pasojat natyrale mund të jenë mësuesit më të mirë të jetës!