32 skuadrat e mbetura në garë për Ligën e Evropës kanë mësuar kundërshtarët që do të përballen në 1/16 e finales.

Në vazon e parë ishin katër skuadrat që u eliminuan nga Liga e Kampionëve si dhe fituesit e grupeve në Ligën e Evropës:

Arsenal, Leverkusen, Benfica, Chelsea, Dinamo Zagreb, Dynamo Kyiv, Frankfurt, Genk, Inter, Napoli, Real Betis, RB Salzburg, Sevilla, Valencia, Villareal dhe Zenit.

Ndërkohë në vazon e dytë ishin skuadrat që përfunduan të dytat në grup por edhe katër skuadrat tjera që u eliminuan nga Liga e Kampionëve:

Bate Borisov, Celtic, Club Brugge, Fenerbahce, Galatasaray, Krasnodar, Lazio, Malmo, Olympiacos, Rapid Wiena, Rennes, Sporting Lisbona, Shakhtar Donetzk, Plzen, Slavia Praga, Zurich.

Interi pasi u eliminua nga Liga e Kampionëve do të përballet me kampionin e shumëfishtë të Asutrisë, Rapidin e Vjenës.

Skuadra e shqiptarëve, Zurichu do të përballet me gjigantin italian Napoli. Chelsea që është skuadra favorite në Ligën e Evropës, do të përballet me ish-kundërshtarin e Dritës, ekipin suedez Malmo.

Lazio e Thomas Strakoshës, Valon Berishës e Riza Durmishit do të ketë punë tejet të vështirë me Sevillën.

Një tjetër skuadër e madhe në këtë garë, Arsenali do të ndeshet me Bate Borisov.

Të gjitha çiftet në Ligën e Evropës:

Plzen – Dinamo Zagreb

Club Brugge – RB Salzburg

Rapid  – Inter

Slavia Praga – Genk

Krasnodar – Bayer Leverkusen

Zurich – Napoli

Malmo – Chelsea

Shakhtar Donetzk – Frankfurt

Celtic – Valencia

Rennes – Real Betis

Olympiacos – Dynamo Kiev

Lazio – Sevilla

Fenerbahce – Zenit

Sporting Lisbona – Villareal

Bate Borisov – Arsenal

Galatasaray – Benfica