Futbollisti portugez, Cristiano Ronaldo, të dielën mbrëma ka udhëtuar me aeroplan privat drejt Kroacisë. Ai ka arritur në Dubrovnik në shoqërinë e të dashurës së tij, Georgina Rodriguez.

Mediat kroate raportojnë se superylli i Juventusit është duke pushuar në vendet më luksoze dhe më të shtrenjta të qytetit turistik.

Në fakt, ai qëndron në njërën prej vilave që iu dedikohen yjeve të huaja, ndërsa një natë kushton afro 7.000 euro.

Fotografët kanë arritur ta fotografojnë çiftin e popullarizuar edhe duke darkuar, si edhe e kanë ndjekur vazhdimisht.

Edhe pse ishin mbledhur shumë fëmijë dhe fansa të tjerë jashtë një restoranti për ta takuar idhullin e tyre, ai nuk është ndalur për t’i përshëndetur.