Ylli televiziv australian e mbyll me dhunë një mashkull që e njohu në internet, e sulmon fizikisht dhe ia merr paratë

Ylli televiziv australian e mbyll me dhunë një mashkull që e njohu në internet, e sulmon fizikisht dhe ia merr paratë

Ylli televiziv australian, Suzi Taylor, është akuzuar për mashtrim, mbajtje me dhunë dhe ushtrim të dhunës fizike ndaj një mashkulli 33 vjeçar, të cilin e kishte njohur përmes Tinderit dhe e kishte joshur drejt banesës së saj.

Pasi janë njoftuar në këtë rrjet social, viktima kishte pranuar të shkonte në shtëpinë e saj në vendin e quajtur New Farm në Quuensland të Australisë.

Kur ka hyrë në dhomë, 49-vjeçarja dhe një mashkull 22 vjeçar e kanë mbyllur dhe kanë kërkuar para nga ai. Ndërsa kur ka refuzuar, ajo ka nisur ta ofendojë dhe e ka sulmuar fizikisht së bashku me personin tjetër.

Ata e kanë detyruar që t’ua transferojë paratë, ndërsa ia kanë marrë edhe kredit kartelën, me të cilën ia kanë tërhequr paratë nga llogaria.

Ylli i serialeve reale televizive në Australi dhe bashkëpunëtori i saj akuzohen për zhvatje, privim nga liria, sulm dhe posedim të drogave të rrezikshme. Suzit i është caktuar paraburgim pa të drejtë për të paguar garanci.

Suzi Taylor u bë e njohur para disa vitesh nga pjesëmarrja në serialit real televiziv, “The Block” (2015), në të cilin pjesëmarrësit konkurrojnë në rinovimin dhe shitjen e shtëpive me çmimin sa më të lartë. Ajo dhe një shoqe e saj fituan 349.000 dollarë australianë (214.430 euro).