Zyrtare: Kjo është data kur do të zhvillohet meçi i shumëpritur i Ilir Latifit

Tashmë është zyrtare, Ilir Latifi rikthehet në kafaz në muajin e ardhshëm, saktësisht më datën 8 shkurt.

‘Ultimate Fighting Championship (UFC)’ ka zyrtarizuar datën e njërit nga meçeve më të rëndësishme për garuesin nga Kosova, por që mbronë ngjyrat e Suedisë.

Ilir Latifi do të takohet me amerikanin, Derrick Lewis, më 8 shkurt në Houston në meçin e vlefshëm për kategorinë e rëndë. Lajmi është konfirmuar edhe nga vet Latifi, përmes një postimi në ‘Facebook’.

Ilir Latifi deri më tani numëron 21 meçe, prej tyre 14 fitore dhe 7 humbje. Kurse, Derrick Lewis ka zhvilluar 29 meçe me bilanc prej 22 fitoreve dhe 7 humbjeve.