Është publikuar edhe një këngë në platformën YouTube në kuadër të albumit të tyre “U.S.A”.

Bëhet fjalë për reperët e grupit PINT, MC Kresha, Lyrical Son dhe Lav’da, të cilët sollën edhe këngën “Amore”.

Kjo këngë tanimë gjendet në platformën digjitale, YouTube, vetëm në versionin audio.

Tekstin e kanë shkruar vet artistët, kurse për ‘beatin’, miksimin dhe masterizimin është përkujdesur Pressplay.

Producimin e ka bërë po ashtu Pressplay në bashkëpunim me K-Master, ndërkohë që projekti i tërë është punuar në studion e labelit “PINT”.

Edhe kjo këngë u mirëprit nga fansat e tyre, duke marrë klikime e komente të shumta në vetëm pak kohë pasi u publikua.