Edhe yjet më të famshme në botë mund të vetmohen në këtë periudhë pandemie globale.

Në një intervistë të dhënë së fundmi për ‘Entertainment Tonight’, motra më e vogël e Britney Spears, Jamie Lynn Spears, ka treguar se çfarë e solli krijuesen e hitit “Toxic” në vendlindjen e saj, Louisiana gjatë kësaj kohe.

“Britney ishte sikur, unë dua të vij në shtëpi. Nuk dua të qëndroj vetëm më këtu, pasi janë mbledhur e gjithë familja. Kështu që ajo ishte në gjendje të kthehej në shtëpi për gati dy javë”, ka thënë Jamie. Ajo ishte këtu për ditëlindjen time dhe të vajzës time Ivey”.

Sigurisht, ‘ajo ka fëmijët e saj dhe të gjitha ato gjëra’, Spears, 38-vjeçe, u kthye në shtëpinë e saj në Los Angeles vetëm disa javë më parë”, tha Lynn Spears.

Këngëtarja amerikane është nënë e dy djemve, Sean, 14-vjeç dhe Jayden, 13-vjeç.

Jamie ishte me fat, pasi ajo ka shijuar një kohë të mirë me familjen mes urdhërave për të qëndruar në shtëpi për shkak të COVID-19.

“Familja jonë ka qenë një bekim i madh. Ne po bëjmë gjëra të çmendura së bashku por në fund mbi të gjitha kemi njëri-tjetrin. Kjo ka qenë me të vërtetë fat”, vazhdoi ajo.

Në fund të prillit, Spears përmes një videoje të ndarë në Instagram tregoi se nuk kishte kaluar shumë kohë në palestrën e saj në shtëpi, meqë e dogji gjashtë muaj më parë me një qiri.

Në përshkrimin e videos, Spears tha se askush nuk është lënduar por i kanë ngelur vetëm dy pajisje për stërvitje.