Nata kishte rezervuar shumë befasi për publikun, e para ishte paraqitja e Miriam Canit në skenë për t’i kënduar hitet e përbashkëta me Albanin.

Befasia më e ëmbël ishte propozimi për martesë që një djalosh i bëri të dashurës së tij në një moment gjatë këtij koncerti.

Në një video që ka postuar “RevistaWho.com”, shihet se si djali nën emocione e pyet të dashurën nëse pranon të martohet me të.

“Ndihem i papërgatitur por unë për ty ndjej gjithçka çka mund të më jap kjo jetë. Ti je dashuria e jetës time dhe çdo të keqe që më ka ndodhur në jetë ma ke kthyer në forcë. Kjo botë ka vetëm dy sy dhe ata dy sy je ti dhe unë vetëm për ata dy sy dua të jetoj përgjithmonë.” ka thënë djaloshi, duke nxjerrë unazën dhe propozuar asaj martesë.

E mbërthyer nga emocionet, vajza i tha “po” të madhe, duke prekur gjithë publikun me këtë veprim.