Eksperti i transferimeve, Fabrizio Romano ka konfirmuar se brenda javës, Barcelona do e zyrtarizojë rinovimin e kontratës së mesfushorit, Pedri.

Pedri dhe Barcelona kanë arritur marrëveshje për pesë vitet e radhës, që do skadojë në vitin 2026, shkruan lajmi.net.

Sidoqoftë, në këtë kontratë do vendoset klauzola që do jetë më e shtrenjta në histori të Barcelonës prej 1 miliardë euro.

“Klauzola e lirimit e përfshirë në kontratën e re të Pedri do jetë historike për Barcelonën. 1 miliardë euro. Do jetë klauzola më e lartë në historinë e Barcelonës.

Njoftimi pritet nga FCB këtë javë, Pedri dhe agjenti i tij pranuan propozimin”, shkroi ai.

Ndërkohë, Barcelona pritet të rinovojë edhe me Ansu Fati, Gavi, Ronald Aruajo dhe Ousmane Dembele.