• E mërkurë / Jul-17 14:36
  • Kontakt

Ministri i Jashtëm ukrainas dhe homologu i tij rus do të jenë ‘ballë për ballë’ të enjten – takimi zhvillohet në Turqi

Ministri i Jashtëm ukrainas dhe homologu i tij rus do të jenë ‘ballë për ballë’ të enjten – takimi zhvillohet në Turqi

Ministri i Jashtëm ukrainas Dmytro Kuleba dhe homologu i tij rus Sergei Lavrov do të takohen për negociata “ballë për ballë” të enjten.

Sipas mediave të huaja bisedimet do të zhvillohen në qytetin turk Antalia, me ndërmjetësimin e ministrit të Jashtëm turk Mevlüt Çavuşoğlu.

Ndryshe, sot pasdite, delegacionet nga të dy vendet do të takohen në Bjellorusi për një raund të tretë bisedimesh.

Një takim i tillë pritet të ndodhë kur numri i civilëve të vdekur në të gjithë Ukrainën që kur Rusia nisi agresionin e saj më 24 shkurt është 364, duke përfshirë më shumë se 20 fëmijë, thanë Kombet e Bashkuara të dielën.

Ndërkohë më shumë se 1.5 milion ukrainas kanë dalë jashtë vendit në vetëm 11 ditë në atë që OKB-ja tani e quan “krizën më të shpejtë të refugjatëve në Evropë që nga fundi i Luftës së Dytë Botërore”.