z.Veliaj viziton komunën e Bujanociti

z.Veliaj viziton komunën e Bujanociti

Kryetari i Bashkisë së Tiranës Erion Veliaj ka qëndruar sot në Bujanoc në vizitën e tij të parë në vendin tonë. Ai është pritur ngrohtësisht nga i pari i komunës së Bujanocit Nagip Arifi, i shoqëruar nga zëvendësi i tij Shqiprim Musliu dhe shefi i kabinetit të tij Sali Salihi.

Në takim, nikoqiri Arifi e njoftoi kryebashkiakun e Tiranës me situatën aktuale në komunë të Bujanocit, si dhe për planet dhe aktivitetet që do të realizohen gjatë vitit 2023. Gjatë takimit, theksi kryesor u vë në mundësitë e zhvillimit ekonomik, si çelësi kryesor për prosperitetin e dy vendeve.

Nismat rajonale ishin gjithashtu një temë diskutimi, ku dy kryetarët shtjelluan mundësitë e bashkëpunimit dhe rëndësinë që kanë këto nisma për të mirën e qytetarëve të dy komunave.

I pari i Tiranës, njëherit edhe kryetar i Unionit të Bashkive Shqiptare në Rajon, theksoi rëndësinë e bashkëpunimit me të gjitha komunat për realizimin e projekteve që në fokus kanë rininë dhe zhvillimin ekonomik.

Në fund të takimit, dy kryetarët shkëmbyen dhurata për njëri tjetrin. Veliaj dhuroi simbolin e Sahat Kullës, një monument kulturor, ndërsa kryetari Arifi dhuroi një pikturë të sheshit të Bujanocit, e punuar në gurë nga artistja nga Bujanoci Drenusha Dalipi.