Mundësia për ndarjen e Kosovën në vitet e fundit është shfaqur herë pas here, ndërsa zyrtarët ndërkombëtarë në përgjithësi pohoi se ndarja është e pamundur, sot është gjithnjë e më shumë e dukshme tema e opsioneve të demarkacionit Kosovë Serbi.

Presidenti i Kosovës, Hashim Thaçi, ka thënë se nuk do të ketë ndarje por korrigjim të kufijve.

Telegrafi serb thotë se dje Thaçi deklaroi se Lugina e Preshevës duhet të bëhet pjesë e shtetit të Kosovës, transmeton lajmi.net.

Ndërsa burime nga rrethet diplomatike në Moskë konfirmuan për medien në fjalë, se Serbia do të merrte mbështetjen e udhëheqjes ruse, nëse ajo do të tregonte dëshirën për të zgjidhur çështjen e Kosovës në këtë mënyrë.

“Vladimir Putin me siguri do ta mbështeste Vuçiqin nëse vendoset për ndarjen në tavolinë. Mirëpo duhet të flitej edhe me amerikanët për këtë temë” , ka thënë burimi i medies në fjalë.

“Gjithnjë e më shpesh, edhe Uashingtoni zyrtar nuk e ka hedhur poshtë plotësisht këtë ide. Ambasadori i SHBA në Prishtinë, Greg Delaëie, në një emision televiziv nuk e pat përjashtuar se në dialogun Kosovë-Serbi të diskutohet për shkëmbim territoresh”, thuhet në tekstin e medies serbe.

Nga ana tjetër, presidenti serb nuk e ka pritur aspak mirë që Britania nuk dëshiron që të përfshijë seancat mbi Kosovën në planin e punës gjatë presidencës së  Këshillit të Sigurimit të OKB-së së këtij vendi në gusht.

“Ne po luftojmë që të nxjerrim maksimumin për popullin tanë në kushte pothuajse të pamundura, dhe të humbasin sa më pak që mundemi”, kishte thënë ai.

Ai ka thënë se nuk do të lejojnë të tërhiqen nga “veshët nga SHBA dhe BE”, por e ka bërë të qartë se pa Serbinë nuk mund të zgjidhjet problemi i Kosovës.

Ndërsa, ka thënë se Amerika për herë të para dëshiron të dëgjojë një zgjidhje për Kosovën.

“Tani kanë një qasje të ndryshme”, shprehet Vuçiq.