Kryetari i Prishtinës, Shpend Ahmeti ka reaguar pas lirimit nga paraburgimi të deputetëve të Lëvizjes Vetëvendosje, Albin Kurti dhe Donika Kadaj-Bujupi.

“Albini e Donika janë mbajtur maksimalisht në paraburgim, dhe ky vendim është shumë shumë i vonuar. Proceset gjyqësore ndaj aktivistëve nuk po ndalen. Mirëpo në duhet të këmbëngulim! Padrejtësitë duhet të ndalen. Deputetët që mbrojten Republiken duhet të lirohen nga aktakuzat. Adea, Frashëri, Atdheu e Egzoni duhet të lirohen nga dënimet pa kurfarë faktesh”, ka shkruar ai në Facebook.

Shpallja e aktgjykimit në rastin e katër deputetëve të Lëvizjes Vetëvendosje, Albin Kurti Donika Kadaj-Bujupi, Albulena Haxhiu dhe Fatoni Topalli të akuzuar për hedhjen e gazit lotsjellës në Kuvend do të bëhet më 3 janar.