Ish-kryetari i Kuvendit të Kosovës dhe tani kryetar aktual i Akademisë së Shkencave të Kosovës, Nexhat Daci, ka folur për situatën kur u është kërkuar që Presidentin Rugova të mos e varrosin me ceremoni shtetërore.

“Kërkesa ka qenë që Presidenti Rugova me u varrosë si qytetar i rëndomtë dhe vetëm me ceremoni familjare. Në shtëpinë time ka ardhur njeriu më i fuqishëm në botë, në prezencë të djalit e të gruas time dhe më ka lutur, i kam thënë zotëri ambasador, ti e ke një shtet të madh e të bukur dhe ke ku shkon, unë s’kam ku shkoj, unë s’kam shtet tjetër. Presidenti Rugova ka vdekur si President dhe do të varroset si i tillë. Turp do të më vij prej fëmijëve të mi, i kam thënë ambasadorit. Tjetër pastaj pse më kanë sha, e më kanë ofendu e çka jo tjetër, kjo ka pasë pak rëndësi sepse nuk jam marrë me askënd”, ka thënë Daci