Luan Rama: Skandal, ministria e Jashtme përdor shqiponjë të bardhë në flamurin kombëtar

Deputeti i Lëvizjes Socialiste për Integrim ka denoncuar sërish sot përdorimin e shqiponjës me ngjyrë të bardhë...

Deputeti i Lëvizjes Socialiste për Integrim ka denoncuar sërish sot përdorimin e shqiponjës me ngjyrë të bardhë, në simbolin kombëtar të përdorur nga Ministria për Europën dhe Punët e Jashtme.

Ashtu siç bëri edhe të enjten në sallën e parlamentit, Rama përsëriti denoncimin e tij, duke e quajtur skandaloz dhe në shkelje të rëndë të kushtetutës, veprimin e institucionit të MEPJ.

Ja reagimi i plotë i deputetit Luan Ramës:

Skandal: Ministria për Europën dhe Punët e Jashtme, përdor shqiponjë të bardhë në flamurin kombëtar!

E kam denoncuar edhe më parë, e denoncova sërish në Kuvendin e Shqipërisë para deputetëve dhe ministrave të qeverisë, por askush nuk reagoi!
Ministria për Europën dhe Punët e Jashtme e Republikës së Shqipërisë, përdor shqiponjë të bardhë në flamurin kombëtar!

Akt skandaloz, veprim i turpshëm dhe fyerje e rëndë ndaj simboleve kombëtare, shkelje flagrante e Kushtetutës dhe e ligjit!


Warning: Use of undefined constant php - assumed 'php' (this will throw an Error in a future version of PHP) in /home/genstilc/domains/rtvaldi.com/public_html/footer.php on line 48