Luke Perry është kandidat për të marrë një yll në “Hollywood Walk of Fame”, por që pritja për t’u përjetësuar mund të marrë të paktën 5 vjet, shkruan TMZ.
Sipas “TMZ”, në Hollywood thonë se për shkak të vdekjes së tij, procesi është pak më i komplikuar.
Kjo pasi që në mënyrë të rregullt, i famshmi propozohet nga dikush, në aplikim përfshihet edhe deklarata me shkrim nga ai i famshëm, ku tregon se ai/ajo dëshiron të marrë pjesë në ceremoni nëse aprovohet.
Në rastin se i famshmi ka vdekur, atëherë familja duhet të jap lejen që procesi të ecë përpara.
Kujtojmë që Luke Perry vdiq më 4 mars, duke lënë pas një karrierë të bujshme me TV dhe filma.