Vuçiq: Jam i shokuar, do t’i tregoj edhe Merkelit

Vuçiq: Jam i shokuar, do t’i tregoj edhe Merkelit

Presidenti i Serbisë, Aleksandar Vuçiq, ka reaguar pas moscertifikimit të Listës Serbe për pjesëmarrje në zgjedhjet e jashtëzakonshme. Ai thotë se është shokuar dhe për këtë do të bisedojë me Angela Merkelin, por edhe me Vladimir Putinin.

Presidenti i Serbisë, Aleksandar Vuçiq, është shfaqur shumë i brengosur për parandalimin e Listës Serbe nga pjesëmarrja në zgjedhjet në veri të Kosovës.

Ai, po ashtu, theksoi se në lidhje me këtë shqetësim do të bisedojë me liderët e Kinës dhe Rusisë në Pekin, por edhe me kancelaren gjermane Angela Merkel gjatë takimit në Berlin, raportojnë mediat serbe.

Duke përmendur se Kosova do të jetë tema kryesore e diskutimeve të tij me presidentin e Rusisë dhe të Kinës, Vuçiq tha se është i “shokuar” me vendimin për moscertifikimit të Listës Serbe për pjesëmarrje në zgjedhjet e jashtëzakonshme.

“Këto janë gjëra të pabesueshme, jam i shokuar me mënyrën se deri ku kanë shkuar këto lojëra. Këto janë gjëra që nuk duhet të bëhen”, u shpreh Vuçiq para gazetarëve serbë në Pekin, transmeton Lajmi.net.

Ai shtoi se vendimin e sheh si heqje të demokracisë ndaj të cilës askush nga bota nuk ka reaguar.

“Nuk dua të them se çfarë më kujton, kur dikujt ia ndaloni të kandidojë sepse nuk u pëlqen politika e tyre, mendojeni si quhet kjo”, shtoi ai. Ai theksoi se për këtë temë do të bisedojë me kancelaren gjermane Merkel dhe liderët e tjerë në Berlin.



Warning: Use of undefined constant php - assumed 'php' (this will throw an Error in a future version of PHP) in /home/genstilc/domains/rtvaldi.com/public_html/footer.php on line 48