​​Policia vë në shënjestër shoferët që nuk respektojnë semaforin, 150 euro gjobë, 3 muaj ndalim vozitje e 3 pikë negative

​​Policia vë në shënjestër shoferët që nuk respektojnë semaforin, 150 euro gjobë, 3 muaj ndalim vozitje e 3 pikë negative

Policia e Kosovës po vijon me aktivitete, që kanë për qëllim ngritjen e vazhdueshme të sigurisë në trafikun rrugor si dhe uljen e aksidenteve.

Njësitë policore, përveç pikave të kontrollit të automjeteve apo patrullimeve në lëvizje, janë duke u përqendruar në identifikimin dhe ndëshkimin e kundërvajtësve të cilët rrezikojnë sigurinë në trafikun rrugor.

Në fokus janë kundërvajtësit të cilët nuk ndalen në shenjën e dritës së kuqe në vendin ku trafiku rregullohet me semafor.

Policia iu kujton drejtuesve të mjeteve që mos ndalja në dritën e kuqe mund t’ju kushtojë atyre me 150 euro gjobë, 3 muaj ndalim i të drejtuarit të mjetit me veprim motorik si dhe 3 pikë negative.

“Më këtë veprim rrezikohet jeta juaj dhe pjesëmarrësve të tjerë në trafik. Respektoni rregullat e trafikut rrugor, që së bashku të kontribuojmë për rrugë më të sigurta”, thuhet në paralajmërimin e policisë. 


Warning: Use of undefined constant php - assumed 'php' (this will throw an Error in a future version of PHP) in /home/genstilc/domains/rtvaldi.com/public_html/footer.php on line 48