Kreu i Diplomacisë serbe Ivica Dacic akuzon përfaqësuesen e Lartë e BE’së, Federica Mogherini, se është detyruar që ta ndryshojë formatin e takimit vetëm për shak të Republikës së Kosovës.

Mogherini ka vendosur që ta ftojë edhe Republikën e Kosovës në takimin e fundit të Këshillit të Bashkimit Evropian që do të mbahet në Helsinki në fund të këtij muaji. Përveç Kosovës, është ftuar edhe Bosnja e Hercegovina, dhe kjo i ka penguar Dacicit, i cili e ka qujatur tërë këtë lojë të Përfaqësueses së Lartë të BE’së.

Përveç tjerash kreu i diplomacisë serbe ka thënë se në këtë takim joformal në Helsinki nuk do të ketë mundësi që të diskutohet për dialogun ndërmjet Prishtinës dhe Beogradit.

‘Atje nuk do të ketë dialog sepse takimet ndodhin çdo gjashtë muaj me ftesën e Presidencës së BE-së”, ka thënë ndër të tjera ai.

Pas kësaj ftese Daçiq thotë se Kosova nuk do të mund të thotë më që Mogherini s’ka bërë asgjë për Kosovën.

“ Prandaj ajo i ka ftuar. Më herët ajo i ftonte vetëm për dreka, ndërsa tani në takime zyrtare”, ka thënë Kreu i Diplomacisë serbe Ivica Dacic.