Para dy vitesh, Hennessey kishte bërë të ditur se është duke punuar në Venom F5, që pritej të ketë shpejtësi shumë të lartë, ndërsa tani ka treguar motorin e këtij modeli, transmeton Telegrafi.
Deri më tani, ishte thënë se brenda Venom F5 do të jetë motori me 1,600 kuaj fuqi, ndërsa tashmë është bërë e ditur se ka mundësi të prodhojë deri në 1,800 kuaj fuqi.
Kjo nënkupton se Hennessey Venom F5 është më i fuqishëm se Bugatti Chiron dhe mund ta tejkalojë rekordin prej 490 kilometrave në orë që kjo veturë e ka arritur më parë.
Specifikat tjera të Venom F5, nuk janë bërë të ditura, por mësohet se është në përpjekje të thyejë rekordin e Bugattit me një rezultat shumë më të mirë.