• E mërkurë / May-27 14:26
  • Kontakt

Rama, mediave: Mos na detyroni të bëjmë atë që s’ua rrok imagjinata

Rama, mediave: Mos na detyroni të bëjmë atë që s’ua rrok imagjinata

Kryeministri i Shqipërisë Edi Rama ka kërkuar nga mediat të jenë të kujdesshme me lajmet që publikojnë, sidomos me ato ‘fake news’, sepse do të duhet të ndërrmarr hapa ndëshkues.

Rama edhe një herë ka shkruar për mediat, duke dhënë një shembull se si kishte vepruar Japonia në periudhën e gjendjes së jashtëzakonshme.

Ky është reagimi i tij: 

APEL I DETYRUAR MEDIAVE

Gjatë periudhës së gjendjes së jashtëzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!

Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!

Kjo është koha për kurimin psikologjik të popullit që ju ndjek dhe jo për rrenat e shamatatë karakteristike të veprimtarisë së zakonshme të një pjese të madhe të sferës suaj!