Zyra për media e Ministrisë së Financave dhe Transfereve, ka konfirmuar se është zhvendosur fotografia e Presidentit Hashim Thaçi, nga ballina e zyrës së ministrit Besnik Bislimi.
Veprimi i kryeparlamentares, Vjosa Osmani, u kritikua shumë nga opozita e shoqëria civile, ku në ditën e parë të punës në këtë pozitë, ajo largoi fotografinë e Presidentit Thaçi nga ballina e zyrës së saj.
E njëjtë si Osmani, ka vepruar edhe Ministri i Financave dhe Transfereve, Besnik Bislimi, duke larguar nga ballina e zyrës së tij fotografinë e Presidentit.
Metro ka kontaktuar zyrën për media të kësaj ministre, të cilët edhe e kanë konfirmuar zhvendosjen e saj.
“Ju njoftojmë se në Zyrën e Ministrit të Financave dhe Transfereve është bërë një riaranzhim i zyrës dhe në këtë rast është zhvendosur fotoja e Presidentit Hashim Thaçi në një pjesë tjetër të zyrës. Për çdo pyetje tjetër, ju lutem ndihuni të lire të na kontaktoni”, thuhet në përgjigjen e Zyrës për Komunikim Publik.
Një gjë e tillë vërehet edhe në fotografitë e takimeve të Bislimit, ku shihet se në vend të fotografisë së Thaçit ai ka vendosur një orë.
Hera e fundit që foto e presidentit ka qenë e vendosur në zyrën e Bislimit, ishte data 4 shkurt.