Janë raportuar 812 vdekje në Spanjë nga koronavirusi, sipas të dhënave nga 24 orët e kaluara. Numrat, të publikuara nga Ministria Spanjolle e Shëndetit, tregojnë një rënie të numrit të vdekjeve, në krahasim me dy ditët e kaluara, raporton CNN, transmeton lajmi.net. Spanja ka regjistruar gjithsej 7.340 vdekje. Ekzistojnë 61.075 raste aktive në vend – një rritje prej 3515 rastesh në 24 orët e kaluara. Numri i të infektuarve ka pësuar një rënie të madhe, në krahasim me javën e kaluar. Po ashtu, 2,071 persona janë shëruar gjatë 24 orëve të kaluara, duke e çuar shifrën e përgjithshme në 16.780, sipas Ministrisë së Shëndetësisë spanjolle.