Në këtë mbledhje të komisionit në lidhje me këtë rekomandim dy anëtarë ishin kundër, një kishte abstenim.

Visar Ymeri nga Lëvizja Vetëvendosje në mbledhjen e Komisionit për Punë të Jashtme, ka paralajmëruar se partia e tij do të votojë kundër demarkacionit, derisa ka shtuar se publiku po gënjehet se do të bëhen përmirësime në marrëveshjen aktuale me Malin e Zi.

Ndërsa AAK-ja që para se të hynte në qeveri ka qenë kundër demarkacionit aktual me Malin e Zi, ka thënë se duhet përkrahur ky version në seancën e së enjtes.

Kurse Elmi Reçica nga PDK-ja ka deklaruar se beteja për demarkacionin ka qenë betejë argumentesh shkencore dhe sipas tij, deklarata e përbashkët e presidentëve ofron mundësinë që të ketë korrigjime.