Presidenti Ilir Meta ka folur per te te pare per ate që ka qarkulluar në formë thashethemi mediatik: Shkembimin e territoreve Kosove-Serbi. Gjatë nje takimi me  delegacionin e Këshillit Europian për Marrëdhëniet me Jashtë, kryesuar nga z.Carl Bildt, ish-Kryeministër dhe Ministër i Punëve të Jashtme të Suedisë, Meta eshte deklaruar kunder ndarjes se Kosoves.

Siç bën të ditur zyra per mediat, Presidenti theksoi rëndësinë që ka zgjerimi i BE-së edhe me 6 vendet e Ballkanit Perëndimor, dhe në këtë kontekst vuri në dukje se shpreson që Shqipëria të çelë sa më parë negociatat e anëtarësimit në BE, dhe që Kosova të përftojë liberalizimin e vizave, sapo të mbyllet marrëveshja e demarkacionit me Malin e Zi.

Meta është shprehur se janë të papranueshme dhe të pamundura idetë destruktive për ndarje apo shkëmbime territoresh, duke i konsideruar ato tentativa të dëshpëruara për mbivendosjen e agjendave populiste mbi agjendat jetike të integrimit dhe stabilitetit. “Programi i vetëm i punës në tryezat e drejtuesve politikë duhet të jenë zgjidhja e problemeve e shqetësimeve reale të qytetarëve, për të vendosur sundimin e ligjit dhe demokracisë në secilin vend”, ka thene ai.

Më herët për këtë çështje ka folur edhe ish-kryeministri Sali Berisha. Ai ka vene gishtin tek Rama dhe Vucic të cilët kane planifikuar shkembi territoresh Kosove-Serbi.

“Burime diplomatike bëjnë me dije se projekti serb per ndarjen e ne kuadrin e një shkëmbim territoresh është mbështetur plotësisht nga Edi Rama. Madje në këtë kuadër, burimet diplomatike thonë se së afermi eshte planifikuar nje vizitë e përbashket në Presheve Vuçiç-Rama”, shkruante Berisha.