Seanca e Kuvendit të Kosovës ka nisur sërish pas një mbledhje që e kishte kryetari i Kuvendit Kadri Veseli me shefat e Grupeve Parlamentare, me përjashtim të VV-së që nuk morri pjesë.

Shefi i Grupit Parlamentar të LDK-së, Avudllah Hoti ka kërkuar shtyrje të seancës në një kohë tjetër.

Ndërsa shefi i Grupit Parlamentar të PDK-së, Memli Krasniqi ka kërkuar që seanca të shtyhet për të martën e ardhshme, deri sa të arrihet konsensus.

Mirëpo, për të martën kryeministri Ramush Haradinaj ka thënë se ka një udhëtim jashtë vendit.

E kryetari i Kuvendit Kadri Veseli, ka propozuar të mërkurën në ora 10, që është votuar nga shumica e deputetëve të Kuvendit.