Këtë e ka konfirmuar edhe Bajram Krasniqi nga zyra për informim e Policisë së Kosovës.

Krasniqi ka thënë për lajmi.net se bëhet fjalë për një 21 vjeçar, i cili ka shkaktuar vetaksident.

“Një aksident ka ndodhur në Llapushnik, rrugës për Pejë. Një veturë me targa vendore. Drejtues shqiptar/kosovar me inicialet A.Q me vitin e lindjes 1996 nga një fshat i Pejës. Ka shkaktuar vetaksident, ku ka marrë lëndime të rënda. Ai është dërguar në QKUK dhe atje ka ndërruar jetë”, ka thënë Krasniqi.

Aksidenti kishte ndodhur saktësisht në orën 02:40 të mëngjesit të sotëm.

Policia e Kosovës vazhdimisht ka bërë thirrje që shoferët të kenë kujdes në trafik, sidomos gjatë ditëve të fundit ku në Kosovë ka mbretëruar mot i ligë.