Gjykata Penale në Gruyerz (Bulle) Kantoni i Friburgut i ka shqiptuar sot një dënim me 16 vjet heqje lirie një shtetasi zviceran të akuzuar për pedofili.

Personi në fjalë, një burrë i moshës 72 vjeçare, akuzohej se ka abuzuar seksualisht me më shumë se 80 fëmijë në Tajlandë. Dënimi i është shqiptuar për tregti me qenie njerëzore dhe për vepriome seksuale me fëmijët.

I dënuari kishte bërë po ashtu me mijëra fotografi pornografike

Veç dënimit me burg, 72 vjeçari ka marrë edhe një dënikm me të holla, gjegjësisht 360 njësi ditore, transmeton albinfo.ch. Më tutje ai duhet t`u nënshtrohet edhe masave psikoterapeutike si dhe t`ua paguajë nga një dëmshpërblim tri viktimave që ishin të përfaqësuara në gjykatë.

Duke shqiptuar këtë dënim, gjykata ka ndjekur në masë të madhe kërkesën e prokurorisë.
“Ai i ka trajtuar viktimat e tij si lodra”, ka theksuar kryetarja e trupit gjykues. Ndërsa mungesa e ndjenjës së fajësisë ose brejtjes së ndërgjegjes si dhe e nderimit për viktimat e bën peshën e fajit të tij edhe më të rëndë.

Por dënimi 16 vjet burg që konsiderohet mjaft i lartë për rastet e pedofilisë, për personin e lindur në Lucern nuk ka ardhur rastësisht.

Ai ka qenë edhe më parë i dënuar, madje dy herë, po për pedofili. Kjo ka ndodhur në kantonin Friburg në vitin 1980 dhe në kantonin Valis në vitin 1991.

I përmenduri kishte ikur atëbotë në Tajlandë por policia e Valisit e kishte kapur. Pas vuajtjes së dënimit, pedofili kishte shkuar dërish, në vitin 1996, në Tajlandë. Atje kishte joshur fëmijët nga familjet e varfra duke u bërë dhurata dhe në fund duke i bërë objekte të abuzimit seksual.