Postimi i kryetarit të PDSH-së Dr.Sc.Ragmi Mustafa:

PARTIA DEMOKRATIKE SHQIPTARE

PËR LUGINË TË PRESHEVËS, ME SELI NË PRESHEVË

I dashuri kryetar: Memli Krasniqi,

Më lejoni që në emrin tim dhe në emër të Partisë Demokratike Shqiptare , të  të uroj për zgjedhjen Tuaj në krye të Partisë Demokratike  të Kosovës.
Jam i sigurt se udhërrëfyes kryesor i juaji është puna për zhvillim ekonomik, konsolidimin e mëtejmë të Institucioneve të Republikës së Kosovës dhe avancimin e saj në integrimet Euro-Atlantike.
Ju shpreh mirënjohjen më të thellë për mbështetjen dhe bashkëpunimin e vazhdueshëm që keni treguar ndaj Luginës së Preshevës dhe qytetarëve të saj në të gjitha proceset nëpër të cilat kemi kaluar.
Besoj bindshëm, se me Z. Krasniqi në krye të Partisë Demokratike të Kosovës, kjo parti ka për të vazhduar me sukses rrugën e nisur prej ish-kryetarëve Thaçi e Veseli në orientimin e vendit drejt zhvillimit ekonomik dhe avansimin e pozitës ndërkombëtare të Kosovës. Shpreh gjithashtu dëshirën dhe gatishmërinë time për vazhdimin e bashkëpunimit të shkëlqyer mes dy partive tona.
Shprehë bindjen time më të thellë se me gjithë përkushtimin Tuaj dhe të ekipit bashkëveprues në teren, do të realizoni përcaktimet programore që padyshim do të kontribuojnë në zhvillimin e mëtejmë të shoqërisë dhe ngritjen e standardeve jetësore të votuesëve Tuaj, madje dhe gjithë shqiptarëve në tërësi.
Duke Ju përgëzuar edhe njëherë, Ju dëshiroj fat dhe shumë suksese në punën e mëtutjeshme Tuajën dhe Partis Demokratike të Kosovës.
Në fund, z.Krasniqi, shumë shëndet e suksese Juve.

Preshevë, 04 korrik 2021
Dr.Sc. Ragmi Mustafa
Kryetar i PDSH-së, dhe Zv.Kryetar i Komunës së Preshevës