Presidenti amerikan Joe Biden është treguar i prerë në qëndrimin ndaj Rusisë. Në një konferencë për shtyp kreu i Shtëpisë së Bardhë ka deklaruar që nëse ndonjë forcë ushtarake ruse lëviz përtej kufirit të Ukrainës, do të ketë një përgjigje të ashpër dhe të bashkuar nga Shtetet e Bashkuara dhe aleatët e saj.

“Do të jetë një fatkeqësi për Rusinë nëse pushton Ukrainën”, deklaroi Joe Biden, duke paralajmëruar se do të ketë sanksione të rënda dhe humbje njerëzore edhe për Moskën.