Ministri i Tregtisë dhe Industrisë, Bajram Hasani, e ka quajtur një prej vendimeve më të rëndësishme shpalljen e pafajshme të kryetarit të Nismas Socialdemokrate, Fatmir Limaj.

Hasani ka thënë se u sqaruar gjithçka rreth veprës dhe figurës së Limajt.

“Drejtësia erdhi në vend. Edhe sot si në çdo proces tjetër lideri i NISMA-së, Fatmir Limaj e dëshmoi pafajësinë e tij. Ky është një prej vendimeve më të rëndësishme, sepse definitivisht u sqarua gjithçka rreth figurës dhe veprës së tij. I pafajshëm! Lider në luftë, lider në shtetëdërtim”, ka thënë Hasani.