Bujanocin sot e ka vizituar edhe kryetari i komunës së Gostivarit, i cili u prit nga kryetari Nagip Arifi dhe shefi i kabinetit Sali Salihi. 

Gjatë këtij takimi u shtjelluan tema që kanë të bëjnë me funksionimin e pushtetit lokal në dy komunat Bujanoc dhe Gostivar. Nuk u la pa u përmendur edhe tema e zgjedhjeve parlamentare që do të mbahen më 3 Prill 2022.

Nga të dy palët u dakordua që dalja masovike në këto zgjedhje do ta forconte rolin dhe pozicionin e shqiptarëve në Parlamentin e Serbisë.